Bahodir Jalolov prof boksdagi debyut jangini nokautli g‘alaba bilan boshladi?

Bugun, 6-may tongida Osiyo chempioni, Jahon chempionati sovrindori Bahodir Jalolov professional boksdagi ilk jangini o‘tkazishi haqida xabar berilgan edi.

AQShdagi Foxwoods Resort Casino arenasida o‘tgan jangda o‘zbekistonlik bokschi meksikalik Ugo Truxiloga qarshi ringga ko‘tarildi. Bo‘y jihatdan sezilarli ustunlikka ega Bahodir raqibini o‘ziga yaqinlashtirmagan holda, uzoq masofadan bergan kuchli zarbalari sabab 3-raundda raqibini nokautga uchratdi.

Shu tariqa Bahodir prof boksdagi debyutini nokautli g‘alaba bilan boshladi. Meksikalik bokschi esa o‘zining ilk mag‘lubiyatini qabul qilib oldi. Bungacha u 5 ta jang o‘tkazib, ularning 4 tasida g‘alaba qozongan (2 tasi nokaut bilan) va 1 ta durang qayd etgandi.