Eron Isroil qo‘shinlari joylashgan nuqtalarga raketa zarbasi berdi

Eronning Suriyadagi qurolli kuchlari Golan tepaliklaridagi Isroil qo‘shinlari marralariga raketa hujumini uyushtirdi, deb yozadi “Gazeta.ru”.

Isroillik harbiylar ma’lum qilishicha, ba’zi raketalar nishonga borib tekkan, boshqalari to‘xtatib qolingan. Ularning qo‘shimcha qilishicha, javob zarbasi berilgan.

Eronning “Al-Kuds” kuchlari tomonidan jami 20 ga yaqin raketa uchirilgan.

Avvalroq Isroil va Suriya chegarasida havo trevogasi ishlab ketgan edi. U Suriya hududidan amalga oshirilgan raketa hujumidan darak bergan bo‘lishi taxmin etilmoqda.