Nig‘matilla Yo‘ldoshev boshchiligidagi delegatsiya Istanbulda IHT sammitida ishtirok etadi

16-may kuni O‘zbekiston Tashqi ishlar vazirligida Turkiya elchisi Ahmet Bashar Shen bilan uchrashuv bo‘lib o‘tdi, deb xabar beradi TIV matbuot xizmati.

Suhbat chog‘ida O‘zbekiston—Turkiya munosabatlarining amaliy jihatlari muhokama qilindi.

Uchrashuvda 18-may kuni Istanbul shahrida bo‘lib o‘tadigan Islom hamkorlik tashkiloti (IHT)ning navbatdan tashqari sammitida O‘zbekiston Respublikasi Oliy Majlisi Senati raisi Nig‘matilla Yo‘ldoshev boshchiligidagi delegatsiya ishtirok etishi elchiga rasman ma’lum qilindi.