“O‘zbekneftgaz” rahbarining o‘rinbosari Ulug‘bek Saidov kompaniyaning muhim loyihalari haqida so‘zlab berdi

“O‘zbekneftgaz” kompaniyasi boshqaruv rasining birinchi o‘rinbosari Ulug‘bek Saidov kompaniyaning yaqin yillarga mo‘ljllangan rejasi, shuningdek, O‘zbekistonning boshqa mamlakatlar neft va gaz tarmog‘i bilan hamkorligi naqadar muhim ekanligini haqida so‘zlab berdi, deb xabar qiladi Sputnik.

Kompaniya vakilining so‘zlariga qaraganda, O‘zbekiston Rossiya, Xitoy va boshqa mamlakatlardagi neft va gaz, shuningdek, gaz-kimyo sanoatidagi hamkorlari bilan munosabatlarini kuchaytirish niyatida. Bundan tashqari respublika qayta ishlovchi korxonalarga, raqobatbardosh mahsulot ishlab chiqaruvchilarga, jumladan, eksportlarni amalga oshiruvchi kompaniyalar alohida e’tibor qaratadi.

Shuningdek, “O‘zbekneftgaz” kompaniyasi xalqaro moliyaviy hisobot standartlariga o‘tishni va mamlakat neft va gaz sanoatini rivojlantirish bo‘yicha uzoq muddatli strategiyalarni ishlab chiqishni rejalashtirmoqda.

Faoliyatning yana bir yo‘nalishi gaz transportini modernizatsiya qilish va yuqori malakali kadrlar tayyorlashdir.