Samarqandda “Afrosiyob” poyezdiga 5-sinf o‘quvchisi tosh uloqtirgani ma’lum bo‘ldi

Samarqand shahrida 15-may kuni “Qarshi—Samarqand—Toshkent” yo‘nalishida qatnovchi “Afrosiyob” tezyurar poyezdi oynasiga tosh uloqtirilgandi. Bu haqda IIV jamoatchilik va OAV bilan aloqalar boshqarmasi xabar berdi.

Olib borilgan surishtiruv ishlari natijasida poyezd vagoni oynasiga Samarqand shahri, Motrid mahallasidagi 37-maktabning 5-sinf o‘quvchisi tosh otganligi aniqlandi.

O‘quvchi va uning onasi bilan tushuntirish ishlari olib borildi.