Germaniyadagi hayvonot bog‘ida dunyoga kelgan oq sher bolalari ilk marta ommaga namoyish etildi (video)

6-fevral kuni Germaniya sharqidagi Magdeburg shahri hayvonot bog‘iga tashrif buyuruvchilar noyob hisoblanuvchi oq sher bolalarini ko‘rish imkoniyatiga ega bo‘ldi. Bu haqda Associated Press nashriga asoslanib, TJournal xabar berdi.

Oq sher bolalari hayvonot bog‘i tashrif buyuruvchilariga ilk bora namoyish qilindi. Hayvonot bog‘i vakillarining ta’kidlashicha, hayvonlar albinos emas, balki ularning rangi genetik xususiyatlarga asoslangan.

Uchtasi erkak va bittasi urg‘ochi bo‘lgan sher bolalari 2016-yil 25-dekabrda dunyo kelgan. Har birinng vazni olti kilogramm va ular juda tez o‘smoqda. Sher bolalarining otasi Madiba va onasi Kiara uchun ular ikkinchi nasldir. Ularning birinchi “merosxo‘rlari” ikki sher bolasi 2016-yil aprel oyida tug‘ilgandi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.