Toshkent IIBB YPX yangi turdagi video qayd etish moslamasini sinovdan o‘tkazmoqda

Toshkent shahar IIBB YPX o‘z mashinalarida yangi turdagi video qayd etish moslamasini sinovdan o‘tkazmoqda. Bu haqda Toshkent shahar Ichki ishlar boshqarmasi matbuot xizmati xabar berdi.

Yangi moslamaning boshqalaridan farqi shundaki, u nafaqat tashqi tarafni, balki bir vaqtning o‘zida YPX avtomobili salonining ichini ham tasvirga oladi. Uzluksiz ishlab turuvchi qurilma kodlangan bo‘lib, YPX xodimining uni o‘chirib yoqishi, tasvirlarni yo‘q qilishining imkonsiz. Bu esa birinchidan, YPX xodimi ishining shaffofligini ta’minlasa, ikkinchidan, xizmat majburiyatlari ijrosini nazorat qilish ishlarini osonlashtiradi.