Toshkentda “So‘z mulki sultonlari” nomli ko‘rgazma ochildi

O‘zbekiston Badiiy akademiyasi Kamoliddin Behzod nomidagi memorial bog‘-muzeyida Alisher Navoiy va Zahiriddin Muhammad Bobur tavalludiga bag‘ishlab “So‘z mulki sultonlari” deb nomlangan ko‘rgazmaning ochilishi marosimi bo‘lib o‘tdi, deya xabar bermoqda O‘zA.

Xabar berishlaricha, namoyishga Ch.Ahmarov, M.Nabiyev, S.Abdullayev, T.Sa’dullayev, A.Nur, R.Xudoyberganov, R.Rizomuhammedov, B.Mahkamov kabi taniqli rassomlarning asarlari qo‘yilgan.

Ko‘rgazmada musavvirlarning “Alisher Navoiy Samarqandda”, “Farhod va Shirin”, “Bahrom yashil qasrda”, “May va nay”, “Zahiriddin Muhammad Bobur portreti”, “Kamoliddin Behzod ish ustida”, “Boburni yod etib” kabi 30 dan ortiq asarini tomosha qilish mumkin.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.