Ivanka Tramp 10 oylik o‘g‘lini shaxsiy yordamchi etib “tayinladi”

AQSh prezidenti Donald Trampning qizi Ivanka Tramp 10 oylik o‘g‘lini o‘zining yordamchisi etib “tayinladi”. Bu haqda “Gazeta.ru” xabar bermoqda.

O‘g‘li bilan tushgan suratini Instagram’ga joylagan Ivanka Tramp, unga: “Oq uyda shaxsiy yordamchim Teodor bilan qo‘ng‘iroqqa javob beryapmiz”, — deb izoh qoldirgan.

Donald Trampning inauguratsiyasidan beri Ivanka faol ravishda ijtimoiy tarmoqlarda prezident qarorgohidan suratlar joylamoqda. Suratlar aholi tomonidan ham ijobiy, ham salbiy kutib olinmoqda.

Jumladan, Donald Tramp asosiy aholisi islom dinini e’tiqod qiluvchi yetti mamlakat qochoqlarining AQShga kirishini taqiqlagan kun Ivanka Tramp Instagram’ga oqshom libosida tushgan rasmini joyladi. Bu esa ijtimoiy tarmoqlarda qattiq tanqid bilan kutib olindi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.