Sergey Lavrov Shimoliy Koreya yetakchisi bilan uchrashdi

31-may kuni Rossiya Tashqi ishlar vaziri Sergey Lavrov Pxenyanda Shimoliy Koreya rahbari Kim Chen In bilan uchrashdi. Bu haqda vazirlik matbuot xizmatiga asoslanib, TJournal xabar berdi.

Lavrov shu kunning o‘zidayoq Shimoliy Koreyaga uyushtirgan rasmiy tashrifini yakunlagan. U KXDRdagi hamkasblari bilan Koreya yarimorolidagi vaziyatni muhokama qilgani aytilmoqda.

Lavrov KXDRga 2009-yildan buyon birinchi bor tashrif buyurdi. Shimoliy Koreya tashqi ishlar vaziri Li Yon Xo mazkur uchrashuv vaqtida rossiyalik hamkasbini yangi hukumatning shakllangani bilan tabrikladi va futbol bo‘yicha Jahon chempionatini muvaffaqiyatli o‘tkazib olishlarini tiladi.