Gvatemalada vulqon otilishi oqibatida halok bo‘lganlar soni 69 taga yetdi

Gvatemalada Fuego vulqonining otilishi oqibatida halok bo‘lganlar soni 69 taga yetdi. Bu haqda Prensa Libre’ga tayanib, “Gazeta.ru” xabar bermoqda.

Avvalroq, Gvatemalada 65 kishining halok bo‘lgani ma’lum qilingan.

Bir qancha shaharlarda Feugo vulqonining otilishi oqibatida xavf-xatarning eng yuqori — qizil darajasi e’lon qilingan.

OAV tabiiy ofat vaqtida jarohat olganlar soni taxminan 296 taga yetganini ma’lum qildi.

Shuningdek, vulqon otilishi oqibatida jabr ko‘rganlarga AQSh tomonidan yordam ko‘rsatilishi xabar qilingan.