O‘zbekistonning Qozog‘iston bilan chegarasida yirik savdo majmuasi barpo etiladi

Qozog‘iston Senati qo‘mita raisi Darig‘a Nazarboyeva boshchiligidagi parlament vakillari Janubiy Qozog‘iston viloyatining O‘zbekiston bilan chegaradosh Sariog‘och tumanida o‘zbekistonlik hamkasblari bilan uchrashdi, deb yozmoqda Sputnik.

Parlamenti a’zolari o‘zaro aloqalarni rivojlantirish yuzasidan fikr almashdi. Ikki mamlakat o‘rtasida sayyohlarning erkin kirib-chiqishini yengillashtirish masalasi ko‘rib chiqildi. Shuningdek, Sariog‘och tumanining chegara hududida yirik savdo majmuasi tashkil qilishga kelishildi.

Eslatib o‘tamiz, 2018-yilda Qozog‘istonda O‘zbekiston yili va 2019-yilda O‘zbekistonda Qozog‘iston yili o‘tkaziladi.