Toshkent shahri hokimi vazifasini bajaruvchi tuman hokimlariga “vaqtincha vazifasini bajaruvchi” maqomini berdi

Toshkent shahri hokimini vazifasini bajaruvchi Jahongir Ortiqxo‘jayevning 6-iyundagi qarori bilan 11 tuman hokimining 10 nafari vazifasidan ozod qilindi va o‘z lavozimida “vaqtincha vazifasini bajaruvchi” (v.v.b.) maqomida qayta tiklandi. Bu haqda “Kun.uz” xabar bermoqda.

Faqatgina 2017-yil dekabrida Shayxontohur tumani hokimi vazifasini bajaruvchi etib tayinlangan Bahodir G‘oyibnazarov ariza yozmadi.

Shuningdek, tumanlarda to‘rtta sektor boshliqlari (hokimdan tashqari, bosh militsioner, bosh soliqchi va prokuror) ishdan olinib, v.v.b. sifatida lavozimda qoldirilgan.