Farg‘onada qo‘shnisini pichoqlab, o‘zi yashiringan qotil qo‘lga olindi

13-iyun kuni Farg‘ona viloyatining Bog‘dod tumanida yashovchi N.M. uyi oldida qo‘shnisi T.M. bilan mojaroga bordi. Bu haqda IIV jamoatchilik va OAV bilan aloqalar boshqarmasi xabar berdi.

U o‘zaro janjal asnosida qo‘shnisining ko‘krak va qorin qismiga pichoq bilan urib, jarohat yetkazib, voqea joyidan yashirinadi.

Olgan jarohati sabab T.M. kasalxonaga keltirilganida vafot etdi. Ko‘rilgan choralar natijasida N.M. ushlandi.