Melaniya Tramp Donald Trampning migratsiya siyosatini tanqid qildi

AQShning birinchi xonimi Melaniya Tramp prezident Donald Tramp ma’muriyatining migratsiya siyosatini tanqid qildi, deb yozadi “Gazeta.ru”.

CNN telekanali ma’lumotlariga ko‘ra, Melaniya Trampning vakili u noqonuniy muhojirlarning farzandlarini o‘z oilalaridan ajratishayotganiga qarab tura olmasligini aytgan.

Melaniyaning fikricha, AQSh barcha odamlar nafaqat qonunga, balki o‘z qalbiga quloq tutadigan mamlakat bo‘lishi kerak.

Shu bilan birga, birinchi xonim mamlakat hukumati muvaffaqiyatli migratsiya islohotini amalga oshirishi zarurligini ta’kidlagan.