Jizzaxlik erkak mastlikda ukasining umriga zomin bo‘ldi

Jizzax viloyatining Mirzacho‘l tumanida yashagan F.T. go‘yo “uyida ehtiyotsizlik tufayli temir ustiga yiqilib olgan tan jarohati” bilan kasalxonaga yotqizilgandi. Bu haqda IIV jamoatchilik va OAV bilan aloqalar boshqarmasi xabar berdi.

Ko‘rsatilgan tibbiy muolajalarga qaramay F.T. kasalxonada hayotdan ko‘z yumdi.

Olib borilgan surishtiruv ishlari yakunida 15-iyun kuni F.T.ning birga yashovchi akasi A.T. mast holda Mirzacho‘l tumani hududida o‘zaro janjal oqibatida unga pichoq bilan jarohat yetkazganligi aniqlandi.

Ko‘rilgan choralar natijasida A.T. qo‘lga olindi.