Yunusobodda yuz bergan yong‘inda singlisini ko‘rgani kelgan aka halok bo‘ldi

Toshkent shahrining Yunusobod tumanida Qozitarnov ko‘chasida yashovchi Sh.R. ismli ayolning uyida tungi soat 02:21da yong‘in sodir bo‘ldi. IIV jamoatchilik va OAV bilan aloqalar boshqarmasi xabar berdi. 

Ko‘rilgan choralar natijasida yong‘in o‘chirildi. Ofat oqibatida uy jihozlari yonib, zarar ko‘rdi.

Yong‘inni o‘chirish vaqtida Sh.R.ning uyida mehmonda bo‘lgan akasi J.R. kuygan holda topilib, kasalxonaga yotqizildi. Biroq ko‘rsatilgan tibbiy muolajalarga qaramay, u hayotdan ko‘z yumdi.

Surishtiruv ishlari olib borilmoqda.