2 ta gol urgan Romelu Lukaku Belgiya—Panama uchrashuvining eng yaxshi o‘yinchisi bo‘ldi

FIFA tomonidan o‘tkazilgan navbatdagi so‘rovnomada Belgiya terma jamoasi hujumchisi Romelu Lukaku Panamaga qarshi uchrashuvning eng yaxshi o‘yinchisi sifatida e’tirof etildi.

Belgiya—Panama uchrashuvi belgiyaliklarning 3:0 hisobidagi g‘alabasi bilan yakunlandi. Lukaku esa o‘yinning ikkinchi bo‘limi 69 hamda 75-daqiqasida Panama darvozasiga 2 ta gol kiritib, jamoasining yirik hisobdagi g‘alabasiga o‘z hissasini qo‘shdi.

Shu tariqa Belgiya mundialni g‘alaba bilan boshlab, o‘z hisobiga 3 ochkoni yozib qo‘ydi.

Birozdan so‘ng “G” guruhining ikki jamoasi Tunis hamda Angliya o‘zaro bellashadi.