Toshkentda uch kishining hayotiga suiqasd qilindi

19-iyun kuni Toshkent shahrining Yunusobod tumanida yashovchi D.G. mast holda A.Temur ko‘chasida joylashgan “Marvarid” nomli oshxona oldida o‘zaro janjal oqibatida shu tumanda yashovchi M.M.ning chap bilak qismiga, Mirobod tumanida yashovchi O.T.ga va Toshkent viloyati Qibray tumanida yashovchi Sh.X.ga pichoq bilan jarohat yetkazgan. Bu haqda IIV jamoatchilik va ommaviy axborot vositalari bilan aloqalar boshqarmasi matbuot xizmati xabar beradi.

Natijada M.M., O.T. va Sh.X.lar kasalxonaga yotqizilganlar. D.G. qo‘lga olingan.