Toshkentda patrul xizmati xodimlari krossoverlarda harakatlanadi

O‘zbekiston poytaxtida yo‘l-patrul xizmati xodimlari endilikda krossoverlarda harakatlanadi. Bu haqda Toshkent shahar IIBB boshlig‘i o‘rinbosari Azizxon Umarxonov ma’lum qildi, deya xabar beradi Sputnik.

Polkovnikka ko‘ra, Toshkent shahridagi yo‘l-patrul post xizmati shaxsiy tarkibi yo‘ltanlamaslar bilan ta’minlanadi.

“Shahar imidjini yanada yaxshilash uchun bosqichma-bosqich yo‘l-patrul post xizmati xodimlariga zamonaviy jip avtomobillari topshiriladi. Birinchi bosqichda 50 ta Chevrolet Tracker topshirilishi ko‘zda tutilgan. Avtoparklarni yangilash ishlari yil oxirigacha yakunlanadi”, — aniqlik kiritdi Umarxanov.