JCh—2018. Belgiya—Tunis uchrashuvining eng yaxshi o‘yinchisi ma’lum bo‘ldi

?FIFA tomonidan o‘tkazilgan navbatdagi so‘rovnomada Belgiya terma jamoasi sardori Eden Azar Tunisga qarshi uchrashuvning eng yaxshi o‘yinchisi sifatida e’tirof etildi.

“Chelsi” klubi yetakchisi Tunisga qarshi uchrashuvning birinchi bo‘limi 6-daqiqasida penaltini aniq amalga oshirgan bo‘lsa, ikkinchi bo‘limning 51-daqiqasida dublni rasmiylashtirdi va jamoasining yirik g‘alabasiga o‘z hissasini qo‘shdi. Belgiya mazkur o‘yinda 5:2 hisobida g‘alaba qozondi.

Bu g‘alabadan so‘ng Roberto Martines shogirdlari “G” guruhida 6 ochko bilan peshqadam bo‘lib turibdi.