Toshkentda MMA jangchisi Murod Xonto‘rayev qo‘lga olindi

Toshkent shahrida aralash kurashning og‘ir vaznli jangchisi Murod Xonturayev tan jarohati yetkazishda ayblanib, qo‘lga olindi. Bu haqda UzNews xabar bermoqda.

U 20-iyun kuni tunda tan jarohati, ya’ni ko‘krak qismiga pichoq bilan zarba berilgani jarohati sababli Yunusobod tumanidagi sobiq 17-shahar shifoxonasi, hozirgi 7-shifoxonaga yotqizilgan. Ertasiga sportchi Toshkent shahar IIBB ga olib ketilgan va shu kunga qadar so‘roq qilinmoqda.

Hozircha u tan jarohati yetkazishda ayblanmoqda. Bu borada Toshkent shahar IIBB rasman ma’lumot bergani yo‘q. “Xonto‘rayev ishi” yuzasidan yana boshqa shaxslar ham ushlangani bildirilmoqda.

Ma’lumot uchun, Murod Xonto‘rayev — jahon chempioni, "Osiyo ayig‘i" laqabi bilan dunyoga tanilgan. Ayni paytga qadar 11 ta jang o‘tkazib, ulardan 8 tasida (6 tasini nokaut bilan) g‘alaba qozongan.