Toshkent shahar IIBB Murod Xonto‘rayev qo‘lga olinganini tasdiqladi

Toshkent shahar IIBB aralash kurashning og‘ir vaznli jangchisi Murod Xonto‘rayev qo‘lga olinganini tasdiqladi. Bu haqda UzNews xabar bermoqda.

Murod Xonto‘rayev hamda yana bir qator shaxslar 21-iyunga o‘tar kechasi Yunusobod tumanidagi tungi klublardan birida jamoat joyida yurish-turish qoidalarini buzganlik, tartibsizlik qilgani uchun ushlangan.

Hozirda Murod Xonto‘rayevga nisbatan O‘zbekiston Respublikasi Jinoyat kodeksining 277-moddasi (bezorilik) tartibida jinoyat ishi qo‘zg‘atilgan bo‘lib, tergov harakatlari olib borilmoqda.