Shvetsiyada tibbiyot bo‘yicha Nobel mukofoti sohibi vafot etdi

Shvetsiyada farmakolog va tibbiyot bo‘yicha Nobel mukofoti sohibi Arvid Karlsson 95 yoshida vafot etdi, deb yozadi “Korrespondent.net” Gyoteborg universiteti saytiga tayanib.

Karlsson Nobel mukofotini 2000-yilda bosh miyadagi dofamin neyromediatorining funksiyasini kashf qilgani uchun qo‘lga kiritgan edi. Uning tadqiqotlari nevrologik va ruhiy kasalliklarni davolash uchun yangi dorilar yaratishda yordam bergan.