Qo‘qonlik tadbirkor salkam 300 mln so‘mga chuv tushirib ketgan tanishidan shikoyat qildi

Farg‘ona viloyatining Qo‘qon shahrida 19 iyun kuni xususiy tadbirkor M.H. IIBga murojaat qilib, firibgarlik holatiga duch kelgani yuzasidan shikoyat qildi. Bu haqda IIV jamoatchilik va OAV bilan aloqalar boshqarmasi xabar berdi.

Arizachiga ko‘ra, shu yil fevral va may oylarida tanishi Sh.V. birga tadbirkorlik qilamiz deb aldov yo‘li bilan ishonchiga kirib, uning 293.000.000 so‘m pulini oladi.

Biroq, bergan va’dasini bajarmay, pullarni o‘z ehtiyojlari uchun ishlatib yuboradi.

Holat yuzasidan ko‘rilgan choralar natijasida Sh.V. qo‘lga olindi.