Tailandda 9 kun avval yo‘qolib qolgan 12 nafar maktab o‘quvchisi topildi

Tailanddagi g‘orda to‘qqiz kun avval yo‘qolib qolgan 12 nafar maktab o‘quvchisi va ularning murabbiylari topildi, deb xabar beradi “Meduza”.

11 yoshdan 16 yoshgacha bo‘lgan bolalar hamda ularning 25 yoshli murabbiylari 23-iyun kuni yo‘qolib qolgandi. Ularga tegishli narsalarni Tailand shimolidagi g‘orga kiraverishdan topishdi. Keyingi kun esa kuchli yomg‘ir boshlangani uchun g‘orga kirish qiyinlashgan. G‘orning bir qismini sel oqizib ketdi.

To‘qqiz kun davom etgan qidiruv operatsiyasida Tailand maxsus xizmatlari, AQSh, Buyuk Britaniya va Xitoy qutqaruvchilari ishtirok etdi.