Tailandda yengil samolyotning qulashi oqibatida 3 kishi halok bo‘ldi

Tailandda bir motorli yengil samolyotning qulashi oqibatida 3 kishi halok bo‘ldi. Bu haqda 6-iyul, juma kuni The Nation gazetasi bergan ma’lumotga tayanib, “TASS” xabar berdi.

Shuningdek, halokat oqibatida bir kishi jiddiy jarohat olgan.

Samolyot mamlakat shimoli-g‘arbidagi Maye Xong Son provinsiyasidagi aeroportdan uchganidan keyin 5-iyul payshanba kuni radarlar ekranidan yo‘qolib qolgan.

Halokat sodir bo‘lgan joyda qidiruv guruhi bir nafar yo‘lovchini topgan. Ikkinchi yo‘lovchi va 2 nafar uchuvchi halok bo‘lgan. Samolyotda jami 4 kishi bo‘lgan.