Nepalda yuk mashinasining tog‘ yo‘lidan qulashi oqibatida kamida 20 kishi halok bo‘ldi

Nepalning Mustang hududida yuk mashinasi tog‘ yo‘lidan qulab ketishi oqibatida kamida 20 kishi halok bo‘ldi, 12 kishi jarohat olgan. Bu haqda Himalayan Times’ga tayanib, “Korrespondent.net” xabar berdi.

Haydovchi transportni boshqarolmay qolgan, natijada yuk mashinasi 50 metr balandlikdan daraga qulab tushgan. Mashinada yo‘l xizmati ishchilari ketayotgan bo‘lgan.

20 kishi voqea joyida halok bo‘lgan. Ulardan 6 nafari ayollardir. 12 kishi shifoxonaga olib ketilgan.

Avvalroq, Hindistonda maktab avtobusi daraga qulab tushgani xabar qilingan edi.