“O‘zbekfilm” AJ davlat unitar korxonasiga aylantiriladi

“O‘zbekfilm” davlat korxonasi sifatida qayta tashkil etiladi va barcha aksiyalarni xarid qiladi, deb yozadi Spot.

Qayta tashkil etish haqidagi qaror may oyida, kompaniya aksiyadorlarining tegishli yig‘ilishidan so‘ng qabul qilingan edi. Shu munosabat bilan jamiyat aksiyalarini xarid qilish boshlandi. Bunda bir aksiya uchun 2 ming so‘m bozor qiymati belgilangan.

Davlat soliq qo‘mitasi ma’lumotlariga ko‘ra, Davlat aktivlarini boshqarish markazi, “Zamin Film” MChJ, Uzbek Film Services LTD kompaniyasi va 549 nafar jismoniy shaxs asosiy aksiyadorlar hisoblanadi.

Bundan tashqari, 1946-yildan buyon kino va televideniye uchun qurilmalar ishlab chiqargan Samarqandning “Kinap” AJ ham qayta tashkil etiladi.