Yaponiyadagi jazirama sabab bir kunda olti kishi halok bo‘ldi, 1,5 ming kishi kasalxonaga yotqizildi

Yaponiyada butun mamlakat bo‘ylab kuzatilayotgan kuchli jazirama oqibatida 14 iyul, shanba kuni olti kishi halok bo‘ldi, 1,5 mingdan ortiq aholi kasalxonalarga yotqizildi. Bu haqda “TASS” xabar bermoqda.

Qayd etishlaricha, issiqlik zarbi oqibatida 1536 kishi kasalxonalarga yotqizilgan. Hozirda butun Yaponiya bo‘ylab jazirama va yuqori darajadagi nam iqlim sharoiti kuzatilmoqda. Mamlakatning ayrim janubiy tumanlarida havo harorati +39 darajagacha ko‘tarilgan.

Ma’lumot uchun, Yaponiyadagi o‘tgan yilgi jaziramalar oqibatida 44 kishi halok bo‘lgan, bir necha o‘n ming kishi kasalxonaga tushgan edi.