O‘zbekiston jamoasi mini futbol bo‘yicha Yevropa chempionatida ishtirok etadi

Joriy yilning 21—28-iyul kunlari Slovakiya poytaxti Bratislavada qandli diabet kasali bilan og‘rigan futbolchilar o‘rtasida mini futbol bo‘yicha “DiaYevro” musobaqasi bo‘lib o‘tadi.

Unda O‘zbekiston nomidan “Sofdil” jamoasi ham ishtirok etadi. Jamoa a’zolari Oliy Majlis qo‘llab-quvvatlovi orqali musobaqada qatnashadi.

Toshkent shahar qandli diabet hastaligi bilan kasallangan bolalar jamiyati jamoasi bo‘lgan “Sofdil” 2012-yildan boshlab “DiaYevro” musobaqasida faol qatnashib kelmoqda. Jamoa shu kunga qadar 4 marta mazkur turnirda qatnashish imkoniyatiga ega bo‘lgan.