Torontodagi otishma qurbonlari soni ikki kishiga yetdi

Kanadaning Toronto shahrida ro‘y bergan otishma qurbonlari soni ikki kishiga yetdi. Bu haqda “RIA Novosti” xabar bermoqda.

Bundan tashqari, CBC telekanaliga ko‘ra, 12 kishi jarohat olgan.

Otishma Toronto shahrida 22-iyul, yakshanba kuni kechasi sodir bo‘lgan. Jarohatlanganlar orasida kichkina qiz ham bor. Jarohat olganlarning holati haqida ma’lumot taqdim qilinmagan. Voqea tafsilotlari aniqlashtirilmoqda.

Mamlakat bosh vaziri Jastin Tryudo otishma qurbonlari va jabrdiydalariga hamdardlik bildirdi.