Jizzax viloyati Yangiobod tumanida fermerning burnini sindirgan IIB boshlig‘i o‘rniga yangisi tayinlandi

O‘zbekiston Respublikasi Ichki ishlar vazirligi hududiy tizimlarda rahbarlik lavozimlariga tayinlanganlar haqida xabar berdi.

Xususan, podpolkovnik Ummatqulov Rustambek Ubadullayevich Jizzax viloyati Yangiobod tumani Ichki ishlar bo‘limi boshlig‘i etib tayinlandi.

Eslatib o‘tamiz, Jizzax viloyat Yangiobod tuman IIB sobiq boshlig‘i Ilhom Sulaymonovga nisbatan fermerni urib, tan jarohati yetkazganligi sababli jinoiy ish qo‘zg‘atilgan edi.

Shuningdek, podpolkovnik Arslonov Bahodir Ergashevich Qashqadaryo viloyati Qarshi tumani Ichki ishlar bo‘limi boshlig‘i lavozimiga tayinlandi.