“Chelsi” yangi darvozabon oldi. U o‘tgan mavsum 1 ta o‘yinda ham maydonga tushmagan

Londonning “Chelsi” klubi Angliya terma jamoasining sobiq darvozaboni Robert Grinni o‘z safiga qo‘shib olganini e’lon qildi.

38 yoshli futbolchi londonliklar bilan 1 yillik shartnoma imzoladi. Grin “ko‘klar” safiga Tibo Kurtua va Villi Kabalyerodan keyingi 3-darvozabon sifatida kelib qo‘shildi.

Futbolchi o‘tgan mavsum “Haddersfild” safida bo‘lgan, biroq APLning bitta o‘yinida ham  ishtirok etmagan. U o‘zining so‘nggi rasmiy uchrashuvini 2017-yil 7-mayida “Lids” safida o‘tkazgandi.