O‘zbekistonlik Maksim Rafalovich taekvondo WTF bo‘yicha Moskvadagi Gran-prida sovrindor bo‘lib, 1000 dollar ishlab oldi

Rossiyaning Moskva shahrida taekvondo WTF bo‘yicha nufuzli Gran-pri musobaqasi bo‘lib o‘tdi. Ushbu musobaqada 49ta mamlakatdan 219 nafar sportchi ishtirok etdi, deb xabar beradi MOQ matbuot xizmati.

Bahslarda o‘zbekistonlik ikki nafar sportchi — Maksim Rafalovich hamda Umida Abdullayeva ishtirok etdi.

Maksim Rafalovich bahslarda yarim finalgacha yetib borib, shohsupaning uchinchi pog‘onasidan joy oldi va bronza medali sohibi bo‘ldi.

Bu orqali sportchi 1000 AQSh dollari miqdoridagi mukofot pulini ham o‘ziniki qildi.