“O‘zbekiston havo yo‘llari” Jiddaga muntazam reyslarni yo‘lga qo‘yadi

“O‘zbekiston havo yo‘llari” joriy yil 28-oktabrdan Toshkent—Jidda—Toshkent yo‘nalishi bo‘yicha haftasiga ikki marta muntazam yo‘lovchi reyslarini yo‘lga qo‘yadi. Bu haqda MAK matbuot xizmati ma’lum qildi.

Mazkur aviaqatnovlar O‘zbekiston va Saudiya Arabistonini bog‘lovchi ilk doimiy aviareyslardir. Bungacha Jiddaga parvozlar “Haj” dasturi doirasida charter asosida amalga oshirilar edi.

Toshkentdan Jiddaga va ortga parvozlar quyidagi jadval bo‘yicha seshanba va yakshanba kunlari Boeing 767 samolyotlarida amalga oshiriladi (mahalliy vaqt bilan):

Seshanba va yakshanbada: HY-335 Toshkent 17:50 — Jidda 21:00

Seshanba va yakshanbada: HY-336 Jidda 22:30 — Toshkent 05:10+1