Surxondaryoda Afg‘oniston kompaniyasi bilan elektron tarozi va manometrlar ishlab chiqarish muhokama qilindi
13-avgust kuni Surxondaryo Standartlashtirish va metrologiya boshqarmasi hamda “Surxondaryo sinov va sertifikatlashtirish markazi” davlat korxonasi rahbarlari Afg‘oniston Islom Respublikasi Mozori Sharif viloyatidagi “Muttaqizoda” MChJ rahbarlari bilan o‘zaro hamkorlik uchrashuvini o‘tkazdi. Bu haqda “O‘zstandart” agentligi matbuot xizmati “Daryo”ga ma’lum qildi.
Uchrashuvda, Surxondaryo Standartlashtirish va metrologiya boshqarmasi boshlig‘i G‘.Karimov, Surxondaryo sinov va sertifikatlashtirish markazi direktori F.Hamdamov va Afg‘oniston Islom Respublikasi Mozori Sharif viloyati “Muttaqizoda” MChJ rahbarlari Muttaqizoda Muhammad Asif, Rasul Muhammad Arif bilan ikki davlat korxonalari o‘rtasida o‘zaro hamkorlik, qo‘shma korxona ochish ya’ni elektron tarozilar, bosim o‘lchash asboblari (manometr) ishlab chiqarish masalasida muzokaralar olib borildi.
Manba: Daryo.uz
Добавить комментарий!
- отсутствуют