Gulnora Karimova Shveysariya sudida 700 mln dollarni yutqazdi

Gulnora Karimova tomonidan 800 million Shveysariya frankining 700 million dollarlik qismi musodara etilishi yuzasidan kiritilgan ariza jinoiy ishlar bo‘yicha Shveysariya federal sudi tomonidan rad etildi. Bu haqda “Nur.kz” xabar bermoqda.

Hukm 31-iyul kuni chiqarildi. Karimovaning apellyatsiyasi uning Jenevadagi advokati Greguar Manja tomonidan kiritilgan edi. Shveysariyadagi hisoblarga joylashtirilgan va band solingan 800 million frankning 701 million dollarlik qismi musodara etilishiga qarshi da’vo yutqazildi, deyiladi xabarda.

22-may kuni mamlakat prokuraturasi Gulnora Karimovaning hisoblaridagi 686,7 million dollarni O‘zbekistonga qaytarish borasida qaror qabul qilgandi.