Genuyadagi ko‘prik qulashi qurbonlari soni 42 kishiga yetdi

Genuyada qutqaruvchilar ko‘prik qulagan hududda ichida qurbonlar bo‘lgan yana bir mashinani topdi. Bu haqda Meduza xabar bermoqda.

Mashina salonida 9 yoshli qizalog‘i bilan birga er va xotin bo‘lgan. Keyinroq yana bir 30 yoshli erkakning jasadi topilgani ma’lum bo‘ldi.

Shunday qilib, Genuyadagi ko‘prik qulashi oqibatida halok bo‘lganlar soni 42 kishiga yetdi.

Italiyaning Genuyasidagi balandligi 45 metr bo‘lgan avtomobil ko‘prigi 14-avgust kuni, jala quyayotgan vaqtda qulagan edi. Hodisa oqibatida ko‘prikdagi mashinalarda bo‘lgan va ko‘prik ostida bo‘lgan bir necha o‘nlab odamlar halok bo‘lgan.

Italiya hukumati mazkur fojia uchun javobgarlikni ko‘prik ta’miri va unga xizmat ko‘rsatish bilan shug‘ullangan kompaniya zimmasiga yukladi.