Volgogradda yuz bergan yong‘in oqibatida 3 nafar bola halok bo‘ldi

Rossiyaning Volgograd viloyatida yuz bergan yong‘in oqibatida uch aka-uka halok bo‘ldi. Bu haqda “RIA Novosti” xabar berdi.

Xabar berilishicha, viloyatning Olxov tumanidagi Nejinskiy qishlog‘ida uy yonib ketgan. Dastlabki ma’lumotlarga ko‘ra, yong‘in boshlangan vaqtda uyda uch nafar bola bo‘lgan, ularning onasi esa ko‘chaga chiqib ketgan edi. Ayolning katta o‘g‘li birinchi bo‘lib yong‘inni payqagan.

25 yoshli yigit kirish eshigini ochib, ichkarida ukalari bo‘lishi mumkinligini payqagan. Biroq kuchli yong‘in ichkariga kirishga imkon bermagan.

Yigit o‘t o‘chiruvchilarni chaqirgan, biroq 12 yoshli bola va 11 yoshli egizaklarni qutqarishga muvaffaq bo‘linmagan.