Orolni qutqarish xalqaro jamg‘armasi ta’sischi davlatlari rahbarlari majlisi boshlandi

Turkmanboshi shahridagi “Avaza” sayyohlik zonasida Orolni qutqarish xalqaro jamg‘armasi ta’sischi davlatlari rahbarlari majlisi boshlandi. Bu haqda Prezident matbuot xizmati ma’lum qildi.

Avval tor doirada uchrashuv bo‘ldi. Unda O‘zbekiston Prezidenti Shavkat Mirziyoyev, Turkmaniston prezidenti Gurbanguli Berdimuhamedov, Tojikiston prezidenti Emomali Rahmon, Qozog‘iston prezidenti Nursulton Nazarboyev, Qirg‘iziston prezidenti Sooronbay Jeenbekov ishtirok etdi.

Majlisda Orol muammosi, hududdagi ekologik holatni yaxshilash bo‘yicha olib borilayotgan ishlar muhokama etildi.

Uchrashuvda Orol muammosi oqibatlarini yushatish, suvni tejash va hududdagi ekologik holatni yaxshilash, Markaziy Osiyo mamlakatlarining bu boradagi sa’y-harakatlarini birlashtirish masalalari muhokama qilindi.