O‘rtamiyona alkogol iste’molining foydali ekanligi haqidagi fikr rad etildi

Vashington universiteti olimlari o‘rtamiyona alkogol iste’moli salomatlik uchun zararsiz degan fikrni rad etdi, deb yozadi EurekAlert!.

Mutaxassislar 195 ta mamlakatda 1990-yildan 2016-yilgacha bo‘lgan davrda odamlar orasida spirtli ichimliklar iste’mol qilinishi oqibatlari haqidagi ma’lumotlarni tahlil qilib chiqdi va spirtli ichimlikning salomatlikka ta’siri haqidagi eng katta ma’lumotlar bazasi yaratildi.

Ma’lum bo‘lishicha, 2016-yilda uch millionta o‘lim alkogol iste’moli bilan bog‘liq bo‘lgan, shularning 12 foizi 15—49 yoshdagi erkaklar ulushiga to‘g‘ri keladi.

Olimlar ichkilikbozlik va barvaqt o‘lim, saraton, yurak-tomir kasalliklari xatari oshishi o‘rtasidagi bog‘liqlik bo‘yicha ishonchli dalillar aniqlanganini aytmoqda. Shu bilan birga, alkogoldan to‘liq voz kechish kasalliklar ehtimolini minimallashtiradi.