Osiyo o‘yinlari—2018. Sadriddin Saymatov O‘zbekistonga navbatdagi bronza medalini taqdim etdi

Bugun, 26-avgust sanasida Indoneziyadagi XVIII yozgi Osiyo o‘yinlari davom etmoqda.

Karate WKF bo‘yicha -60 kg vazn toifasida O‘zbekiston sharafini himoya qilgan Sadriddin Saymatov Osiyo o‘yinlarining bronza medaliga sazovor bo‘ldi.

Sadriddin uchinchi o‘rin uchun jangda vyetnamlik Xai Nguenga qarshi tatamiga chiqib, 8:1 hisobida g‘alaba qozondi.

Ma’lumot uchun, Saymatov yarim final bahsida eronlik sportchiga 6:7 hisobida mag‘lub bo‘lgandi.