Osiyo o‘yinlari tarixida ilk bor o‘zbek kurashi: Ma’ruf G‘aybulloyevda oltin, Ruslan Bo‘riyevda esa kumush

Bugun, 28-avgust sanasida Indoneziyaning Jakarta shahrida Osiyo o‘yinlari davom ettirildi. XVIII yozgi Osiyo o‘yinlarida ilk bor o‘zbek milliy kurashi bo‘yicha ham bahslar bo‘lib o‘tdi.

Jumladan, -66 kg vaznda O‘zbekiston nomidan qatnashgan ikki kurashchi — Ma’ruf G‘aybullayev va Ruslan Bo‘riyevlar finalda o‘zaro bellashdi. Bahs G‘aybullayevning 3:0 hisobidagi g‘alabasi bilan tugadi.

Shu tariqa Ma’rufjon oltin, Ruslan esa kumush medalga ega chiqdi.