O‘zbekiston OTMlarida o‘quv yili 5-sentabrdan boshlanadi

Oliy ta’lim muassasalari va akademik litseylarda 2018/2019-o‘quv yili joriy yilning 5-sentabridan boshlanadi. Bu haqda Oliy va o‘rta maxsus ta’lim vazirligining rasmiy Telegram-kanalida xabar berildi.

Avvalroq O‘zbekiston maktablarida o‘quv yili 5-sentabrdan boshlanishi ma’lum qilingan edi.

Eslatib o‘tamiz, O‘zbekiston Respublikasi Prezidenti Shavkat Mirziyoyevning 2017-yil 28-dekabr kungi “2018-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi farmoniga muvofiq, O‘zbekiston mustaqilligi kuni munosabati bilan 2018-yilda haftasiga 5 kun ishlovchilar 5 kalendar kuni, haftasiga 6 kun ishlovchi xodimlar esa ketma-ket 3 kun davomida dam oladi.