Luka Modrich — YChL 2017/18-yilgi mavsumining eng yaxshi o‘yinchisi

Hozirgina Fransiyaning Monako shahrida UEFA Yevropa Chempionlar Ligasi 2018/19-yilgi mavsumi uchun qur’a tashlash marosimi bo‘lib o‘tdi.

UEFA rasmiylari qur’a davomida o‘tgan mavsumning eng yaxshi o‘yinchilarini ham e’lon qildi.

Chempionlar Ligasi 2017/18-yilgi mavsumining eng yaxshi o‘yinchisi nomi ham “Real Madrid” futbolchisi Luka Modrichga nasib qildi. Luka o‘tgan mavsumda, Krishtianu Ronaldu, Serxio Ramos hamda Keylor Navas singari “Qirollik klubi”ning mazkur musobaqada ketma-ket uch marta g‘alaba qozonishida muhim o‘rin tutgan asosiy futbolchilardan biri bo‘ldi.

Modrichga bu yo‘lda Krishtianu Ronaldu hamda Muhammad Saloh raqiblik qildi. Luka, shuningdek, YChL o‘tgan mavsumining eng yaxshi yarim himoyachisi unvonini ham o‘ziniki qildi.