Abdulla Aripov Moskvada Dmitriy Medvedev bilan uchrashadi

O‘zbekiston Bosh vaziri Abdulla Aripov Moskvaga ishchi tashrif bilan borib, u yerda 7-sentabr kuni Rossiya hukumati rahbari Dmitriy Medvedev bilan uchrashadi, deb yozadi UZ24 Rossiya hukumati xabariga tayanib.

Hukumat rahbarlari ikki tomonlama savdo-iqtisodiy, investitsion va madaniy-gumanitar hamkorlik masalalarini muhokama qiladi. Atom energetikasi, sanoat, qishloq xo‘jaligi, ta’lim sohalaridagi hamkorlikni kuchaytirishga alohida e’tibor qaratiladi.

Muzokaralardan so‘ng Medvedev va Aripov raisligida Rossiya va O‘zbekiston o‘rtasidagi iqtisodiy hamkorlik bo‘yicha hukumatlararo komissiyaning 19-majlisi bo‘lib o‘tadi.

Muzokaralar yakunlari bo‘yicha hukumatlararo hujjatlar imzolanishi kutilmoqda.