Kobuldagi portlashda 4 kishi halok bo‘ldi

Kobulda yakka kurash klubidagi musobaqalar davomida yuz bergan portlash oqibatida to‘rt kishi halok bo‘ldi, 18 kishi jabrlandi. Bu haqda Afg‘oniston sog‘liqni saqlash vazirligiga tayanib, 1TV xabar bermoqda, deb yozadi “RIA Novosti”.

Telekanalning ma’lum qilishicha, portlash oltinchi kvartalda yuz bergan. Tolo News telekanali esa hodisa 13-kvartalda yuz berganligini ma’lum qilgan.

Afg‘oniston IIV vakili Najib Donishning ma’lum qilishicha, portlovchi qurilmani xudkush terrorchi ishga tushirgan.

Hozircha hech bir tashkilot portlash uchun javobgarlikni zimmasiga olmadi.