Shahrisabz shahrida 1-Xalqaro maqom san’ati anjumani tantanali ochildi

Shahrisabz shahrida 1-Xalqaro maqom san’ati anjumani tantanali ochildi. Bu haqda O‘zA xabar bermoqda.

6-sentabr, soat 19.00 da Oqsaroy maydonida ochilish marosimi bo‘lib o‘tdi.

Festival ishtirokchilari va tomoshabinlar O‘zbekiston Prezidenti Shavkat Mirziyoyevni qarsaklar bilan kutib oldi.

So‘z Prezidentga berildi.

Davlat rahbari Amir Temur barpo etgan Oqsaroy maydonida o‘tayotgan 1-Xalqaro musiqa anjumani ishtirokchilari va mehmonlarini qutlab, jahon xalqlarining musiqiy xazinasiga aylangan maqom san’atini ko‘z qorachig‘idek asrab-avaylash, uni kelgusi avlodlarga bezavol yetkazish mazkur anjumanning asosiy maqsadi ekanini ta’kidladi.