Bugun futbol: Kuper boshliq O‘zbekiston Keyrush qo‘l ostidagi Eronga qarshi jang qiladi

FIFA kunlari doirasda bugun, 11-sentabr sanasida futbol bo‘yicha O‘zbekiston milliy terma jamoasi Eron termasiga qarshi maydonga tushadi.

Mazkur bahsni qirg‘izistonlik Dmitriy Mashentsev boshqarib boradi. Unga qanotlarda hamyurtlari Bahodir Qo‘chqorov va Ismoil Tolibjonov yordam beradi.

Bellashuvga Toshkentdagi “Milliy” stadioni mezbonlik qiladi. Uchrashuv esa mahalliy vaqt bilan 20:00 da boshlanadi. Ma’lumot uchun, o‘yinga chiptalar 8-sentabrda sotuvga chiqarilgandi.

Eslatib o‘tamiz, Ektor Kuper boshchiligidagi O‘zbekiston milliy terma jamoasi argentinalik mutaxassisning debyut o‘yinida Suriyaga qarshi maydonga tushib, 1:1 hisobidagi durang qayd etdi.

O‘rtoqlik uchrashuvi

11-sentabr, seshanba

O‘zbekiston—Eron 20:00